मंगळवार, ऑगस्ट ०४, २००९

प्रवास

कोण आपण, कुठून आलो
कुठे चाललो, का चाललो?
कुणास आहेत ठाऊक
या प्रश्नांची उत्तरे?

परवाचा वृध्द आजचं मूल
शाश्वत काही? सर्व दिशाभूल
मार्ग दाखवतात?
छे! फसवतात
हे चमचमणारे तारे

कुठली वाट सोपी, कुठली अवघड?
चालावे हळू कि धावावे भरभर?
रमावे जरा कि वहावे
व्यर्थ वचनांचे भारे?

मी आणि माझे सोबती
सुखदुःखाची नाती
वाटेवर काटे
तितकेच गुलाब आहेत खरे

कोण आपण, कुठून आलो?
कुठे चाललो, का चाललो?
बाकी खोटे, चालणे खरे
प्रवासातच आहे सारे

-देवेंद्र देशपांडे
१६ ऑगस्ट २००४

लेबल: ,

1 टिप्पण्या:

१०:५० AM, ऑक्टोबर २१, २००९ वाजता, Blogger pramod khadilkar म्हणातात...

sahi re dev,
masta kavita. Tujhi lihaychi style masta aahe. kavita wachalya sarakhi watate.. majhya sarakha nahi :) majhya goshti asatat sagalya

 

टिप्पणी पोस्ट करा

याची सदस्यत्व घ्या टिप्पणी पोस्ट करा [Atom]

<< मुख्यपृष्ठ